Policia e Durrësit ka vënë në pranga tre persona të cilët ishin dënuar në Itali për vepra të ndryshme penale.
Shtetasit Ilirjan Orhan 53 vjeç, banues në Shkozet; Kridens Kërçuku 37 vjeç, banues Durrës dhe Erald Zyka (Nasto) 34 vjeç, banues në Durrës i pret burgu në Itali.
“Gjykata e Milanos në Itali, ka nxjerrë urdhër arresti për veprat penale: ”Mbajtja e sendeve të vjedhura” dhe “Shkelje të ligjit për drogat”, në ngarkim të shtetasit Ilirjan Orhan; ”Shkelje të ligjit për drogat e kryer në bashkëpunim” në ngarkim të shtetasve Kridens Kërçuku dhe Erald Zyka (Nasto)”¬ njofton policia.
Sipas saj, maksimumi i dënimit për ta parashikohet 20 vjet.
