“Jam shumë e frikësuar, e tronditur për ngarjen e ndodhur. Kam 3 vajza këtu, më e madhja 12 vjece, kërkoj nga shteti që vajzat të dërgohen në spital dhe të shihet gjendja e tyre”.
Kështu është shprehur Natasha Bajrami, nëna e 3 vajzave që i ka lënë në jetimore pasi nuk mund t`i mbaj dot në gjendje të ekonomike ku jeton. Pas publikimit të skandalit ku në Rezidencën e Fëmijëve në Shkodër u mësua se 3 vajza janë abuzuar seksualisht dhe të tjerë fëmjë aty janë keqtrajtuar duke u dhunuar fizikisht.
“Unë kam 12 fëmijë dhe 3 jetoj i kam sjellë këtu sepse jetoj në gjendje të mjerueshme ekonomike. Më përpara më thonin vajzat që fëmijët e tjerë të qendrës i kanë rrahur dhe unë i tregoja ish-drejtoreshës por ajo më thoshte që nuk është e vërtetë”, rrëfen Natasha.
Prokuroria e Shkodrës pak ditë më parë ka marrë sinjalizim nga institucioni i Avokati i Popullit, në bazë të të cilit kishte të dhëna se mbi fëmijët që jetonin në këtë Qendër kishte abuzime nga personeli. Nga hetimi i deritanishëm është zbuluar edhe një fakt tejet i rëndë. Në bazë të aktit të ekspertimit përkatës, rezulton se tre fëmijë të mitur femra janë abuzuar seksualisht dhe defloruar. Prokuroria e Shkodrës ka krijuar dyshime të arsyeshme se dhuna seksuale ka ardhur për shkak të neglizhencës së personelit të Qendrës Rezidenciale.
