Komisioni parlamentar i Sigurisë diskuton sot skandalin e përgjimeve dhe përdorimin e pajisjes nga Policia e Shtetit pa autorizimin e prokurorisë. Pas raportimit të kreut të SHISH, Visho Ajazi Likaj për ekzistencën e kësaj pajisjeje në Policinë e Shtetit, para komisionit doli drejtori i përgjithshëm i Policisë së Shtetit, Haki Çako.
Ky i fundit mohoi ekzistencën e pajisjes përgjuese në Policinë e Shtetit.
Çako tha se Policia e Shtetit është e hapur për hetime nga Prokuroria e Përgjithshme.
“Nuk ka pasur as në invetar dhe as në përdorim as në administrim një pajisje përgjuese në Policinë e shtetit”, tha Çako.
Noka: A keni informacion mbi ndonjë pajisje gjurmimi ose përgjimi?
Ka filluar një proces penal. Kam vënë në dispozicion të prokurorisë gjithë materialet.
Noka: Dispononi pajisje gjurmimi apo përgjimi?
Çako: Absolotisht jo. Nuk kemi pasur dhe nuk kemi asnjë pajisje. Flas në emër të Policisë së Shtetit. Nuk kemi pajisje të përgjimit telefonik. Gjurmimi është koncept tjetër.
Deputet I PD Asllan Dogjani: Kishim para jush edhe drejtorin e SHISH. Ai tha se ka një pajisje që është vendosur fillimisht në Vlorë. A ka qenë një pajisje në Vlorë? A është përdorur nga Policia e Shtetit dhe Interforce për trajnim? A është zhvendosur më tej në Tiranë kjo pajisje?
Paulin Sterkaj i PS: Pse duhet ta shqetësojmë drejtorin e Policisë së Shtetit kur çështja është në hetim. Thirrëm edhe kryeprokurorin dhe nuk erdhi se çështja është në hetim.
Flamur Noka: Nuk kemi hall se po na shqetësohet Drejtori. A ka mundësi ta lësh drejtorin të flasë.
Drejtori i policisë, Haki Cako: Kam vënë në dispozion njerëzit që merren me gjurminin policor. Gjithashtu i kam vënë në dispozicion prokurorisë gjithë dokumentet.
Për gjithçka kërkoni ju kam folur në prokurori. Jam vënë personalisht në dispozicion të policisë.
Dogjani: Po pajisje trajnimi keni pasur?
Haki Cako: Të thashë se të gjitha janë në dosje. Nëse jap informacion, ndiqem penalisht.
Pjerin Ndreu i PS: Cako duhet të ikë sepse është cështje në hetim, pra drejtori nuk ka cfarë thotë më tepër.
Keltis Kruja i PD i drejtohet deputetëve të PS: Ishit më entuziastë kur ishte kreu i SHISH në raportim. Të flasë dhe Cako sic foli edhe Ajazi.
Luan Rama i LSI deputetëve të PS dhe LSI: Nuk keni pse bëni mbrojtjen e Ajazit apo Cakos se ne nuk jemi palë. Kam një pjetje për Cakon: A keni informacion se është penguar vendosja në dispozicion të prokurorisë informacioni për pajisjen apo vetë pajisja.
Drejtori Cako: Që në fillim kemi vënë në dispozicion të prokurorisë gjithçka. Nga askush Policia e Shtetit nuk është bërë pengesë për këto hetime.
Flamur Noka: A keni dijeni për pajisjen trajnuese?
Haki Cako: Policia nuk ka pasur asnjë pajisje gjurmuese apo për përgjuese
Luan Rama: Qendrimi i tij i qartë, të vazhdojë drejtori se po vijmë rrotull kot.
