Pak ditë më parë i ftuar në emisionin “Top Story” në Top Channel, Ministri i Brendshëm Sajmir Tahiri tha se në Policinë e Shtetit ekziston një pajisje që përdoret për trajnim.
“Ndërkohë, në Policinë e Shtetit ka një trajnim që vazhdon prej disa javësh, i cili zhvillohet në bazë të një marrëveshjeje të nënshkruar midis qeverive në vitin 2007 ku parashikohej që ndërmjet Policisë Shqiptare dhe atyre të vendeve partnere (në rastin konkret me Policinë Italiane) të bëhej shkëmbimi i eksperiencave me metodologjinë më të mirë, në rastet e hetimit të krimit e në veçanti të terrorizmit” u shpreh Tahiri pak ditë më parë.
I pyetur nga deputetët në Komisionin e Sigurisë, Drejtori i Përgjithshëm i Policisë së Shtetit, Haki Çako e mohoi këtë fjalë të MInistrit Tahiri se ekziston një pajisje trajnimi në Policinë e Shtetit.
“Deklaroj përgjegjësinë time. Nuk kemi pasur dhe nuk kemi pajisje të përgjimit telefonik, as trajnimi. Në lidhje me çfarë diskutohet dhe aludohet nuk ka një pajisje të tillë. Çdo veprimtari e policisë është në përputhje e ligjit,” U shpreh Çako.
