“Ka përfunduar koha kur ekzekutivi refuzon të zbatojë urdhrat e Prokurorisë. Për këtë ekzekutiv urdhri i Prokurorisë është ligj ndaj kujtdo”, është shprehur Ministri i Drejtësisë Ylli Manjani.
Gjatë prezantimit të draftit të politikës penale të qeverisë,Ministri Manjani i ka bërë thirrje Prokurorisë së Përgjithshme që të jetë aktive në hetimin e veprimtarisë së grupeve kriminale dhe sekuestrimin e pasurive të vëna nga aktivitete të paligjshme.
Manjani ka bërë një deklaratë të tillë gjatë një takimi me Prokurorinë e Përgjithshëm, Adriatik Llalla, të cilit gjithashtu i kërkoi hetim dhe për zyrtarë të nivelit të lartë. “Të shtohet numri i zyrtarëve të lartë duke nisur nga ministri i Drejtësisë për çdo episod që ka nevojë për hetim”.
Gjithashtu, Manjani theksoi se është prokuroria ajo që drejton ndjekjen penale duke ndërhyrë kështu në akuzat dhe kundër akuzat mes Prokurorisë dhe Policisë së Shtetit.
