Detaje të reja janë zbardhur nga vrasja e 25- vjeçarit shqiptar në Greqi.
Mjekët që kanë kryer autopsinë thonë se shqiptarit, Bledar Kujtim Tërpollari, i është prerë koka me thikë rreth orës 20:00 të së dielës. Sipas rezultateve të autopsisë, në trupin e tij nuk ka asnjë shenjë dhune. Ai mund të jetë qëlluar në qafë dhe më pas i është prerë plotësisht koka, raporton “Neës247.gr”.
Media greke e kanë cilësuar makabritetin si krim për hakmarrje me simbolikë të lartë. I riu ishte rritur në një familje me shumë probleme ekonomike dhe ishte vet i gjashtë. Ai kishte muaj që kërkonte punë deri sa një fermer i fshatit Thesprotia i ofroi punë si bari. Mes pistave që po hetohen është edhe ajo e “Kanunit”, duke qenë se shqiptari kishte një të kaluar kriminale.
25-¬vjeçari mund të jetë therur në një kohë kur po flinte dhe më pas e kanë tërhequr zvarrë 2¬3 metra duke i këputur plotësisht kokën nga trupi. Policia greke gjithashtu nuk e përjashton pistën që i riu mund të ketë zbuluar “liderët” e një mafie shqiptare, gjë e cila mund të ketë sjellë dhe ekzekutimin e tij.
Në mënyrë që kjo të ishte një manifestim shembullor për të tjerët u vra në këtë mënyrë çnjerëzore. Viktima ishte dëbuar më parë nga territori grek nga autoritetet, por ai është rikthyer sërish. Përveç të kaluarës me precedentë, policia greke thotë se shqiptari ishte dhe përdorues droge.
Kjo çon në pistën që shqiptari mund të ketë bashkëpunuar me mafien shqiptare për transportin e drogës në Greqi. Fakti që koka e tij ende nuk është gjetur çon në dyshimet se mund të jetë marrë nga ekzekutuesi si dëshmi për vrasjen e tij.
Pamja horror e shqiptarit pa kokë:
