Ish kryeministri Sali Berisha në reagimin e tij në Facebook ndaj rrahjes së gazetarit Eduard Ilnica ka sulmuar edhe zëdhënësen e Federatës Shqiptare të Futbollit, Jona Dervishi.
“Edvin Shullazi, Olsi dhe dhe ndrikull Jona zhyten futbollin shqiptar ne mafien e zeze! Te dashur miq, java qe kaloi ishte java e pergjakjes, dhunes, masakrimit nga mafia e zeze e Edvin Shullazit, Olsit dhe ndrikull Jones, magjistares se basteve dhe rezultateve qe na qeteson se ku do fitojme” shkruan Berisha në Facebook.
Duke iu referuar si “ndrikull Jona”, Berisha thotë se ajo bashkë me Edi Ramën dhe vëllain e tij Olsin, e zhytën futbollin shqiptar në mafian e zezë.
Më pas ish-kryeministri i bën thirrje prokurorisë të nisë menjëherë hetimet kundër asaj që ai e cilëson si mafia shtetërore, që po zhyt fubtollin shqiptar në një katastrofë të vërtetë.
Reagimi i Berishës vjen pas ngjarjes së rëndë të ndodhur mbrëmë në Tiranë, ku gazetari sportiv Eduart Ilnica u dhunuar brutalisht nga presidenti i ekipit të futobollit Kastrioti.
