Debate të ashpra ka patur mes Jozefina Topallit dhe kryetarit të opozitës Lulzim Bashan në mbledhjen e sotme të grupit parlamentar të PD-së.
Topalli është shprehur kundër pjesëmarrjes së ambasadorëve Lu dhe Vlahutin në mbledhje.
“Është rast unik në botë që një ambasador të thërrasë në mbledhje një grup parlamentar”, mësohet të ketë thënë Topalli.
Ndërsa Basha i është përgjigjur duke thënë: “SHBA ka qenë mbështetëse kryesore dhe s’kemi pse të kompleksohemi. Paradigmat që vijnë për të marrë diçka që s’e marrin dot nga kryetari është gabim. Ambasada e SHBA-ve na ka ndihmuar për Komisionin e Venecias, për Byronë që Rama e donte nën sqetull. U kemi qëndruar dhe do t’u qëndrojmë fort parimeve”.
Javën e shkuar ambasadori amerikan apeloi qartë për pasoja ndaj atyre politikanëve që do të bllokojnë reformën në drejtësi. Ndërkohë sot në komisionin e posaçëm është miratuar me konsensus drafti final i reformës.
