Dieta e shtatë ditëve është e këshillueshme për të gjithë ata që duan të bien nga pesha në mënyrë të shëndetshme.
Kjo është dieta që i ndan ushqimet sipas ditëve të caktuara.
Dita e parë: Fruta Ushqimi i ditës së parë përfshin fruta, ku mund të zgjidhni të preferuarat tuaja pa u limituar në sasi. Mundohuni të zgjidhni fruta të stinës në mënyrë që të kenë sa më të shëndetshme. Veçse bëni kujdes me konsumin e bananeve pasi janë të pasura me shumë kalori.
Dita e dytë: Zarzavate
Dita e dytë përfshin jeshillëqe si sallata, perime në zgarë, të ziera. Preferohen brokoli, karota, kastravec, lulelakër etj.
Dita e tretë: Fruta+perime
Në ditën e tretë kombinoni konsumin e frutave dhe perimeve. Mund të bëni lëng frutash të përzierë, duke përdorur selino, karrota, finok, karotë dhe gjethe mente. Gjithashtu mund të konsumoni fruta dhe perime sipas dëshirës.
Dita e katërt: Fruta+banane+qumësht
Dita e katërt është më kalorikja e javës, pasi në mëngjes konsumohet një banane me një gotë qumësht, ndërsa vaktet e tjera mund të jenë me fruta dhe perime të papjekura, si karota, selinoja etj.
Dita e pestë: Oriz+domate
Në këtë ditë mund të përdorni rizoto me domate të freskët ose me pak salcë për ti shtuar më shumë shije. Në mes të ditës konsumoni një gotë me lëng domateje të freskët me pak kripë dhe lëng limoni.
Dita e gjashtë: Oriz+ perime
Ushqimet e ditës së dytë ndajini në dy pjesë, në drekë konsumoni oriz të zier. Në drekë një lëng zarzavatesh dhe në darkë, perime të pjekura.
Dita e shtatë: Fruta+perime+oriz
Në ditën e fundit të ditës mund të konsumoni të gjithë ushqimet që keni përdorur gjatë javës. Në drekë mund të konsumoni rizoto me karota, kungull dhe bizele, ndërsa për darkë pak oriz dhe luleshtrydhe. Mos harroni që çdo ditë duhet të pini lëngje frutash dhe perimesh dhe mesatarisht tetë gota ujë në ditë.
