Vrasësi i 36 -vjeçarit Elton Çiço është një person rreth 40 vjeç i cili nga foto më poshtë duket i veshur sportiv dhe ka pasur në kokë kapele me strehë, gjë e cila ka fshehur portretin e tij.
Kjo foto e publikuar nga News 24 tregon momentin e ekzekutimit të Elton Çiço në ambientet e lokalit “De Niro” mbrëmjen e djeshme në zonën e ish Bllokut.
Kjo mund të quhet një vrasje e tipit mafioz, pasi ekzekutimi është kryer me gjakftohtësi në lokal të monitoruar me kamera dhe kur brenda ndodheshin shumë njerëz.
Personi që ka ekzekutuar 36 –vjeçarin nuk është indentifikuar ende nga policia.
Mësohet se motivi mund të jetë hakmarrja pasi Eltoni është djali i çiftit të moshuar të cilët u grabitën në Tepelënë. Dyshohet se Çiço u hakmorr për ngjarjen që u ndodhi prindërve të tij.
Policia po merr në pyetje tre personat që ndodheshin në shoqërinë e viktimës.
