Pas arrestimit të Prokurorit Haxhi Giu, mbrëmjen e sotme është arrestuar një anëtar i Gjykatës së Tiranës. Bëhet fjalë për gjyqtarin Ibrahim Hoxha i cili është kapur nga Njësia Antikorrupsion duke marrë rryshfet për të favorizuar një palë për një çështje.
Mësohet se operacioni i Njësisë Antikorrupsion i ka vënë prangat gjykatësit Hoxha rreth orës 22:30 në një lokal të Tiranës, ku është kapur në flagrancë duke marrë rreth 6 milionë lekë.
Burime nga Prokuroria bëjnë me dije se hetimi është realizuar nga Prokuroria e Krimeve të Rënda
Kujtojmë se Hoxha ka qenë para 2 vitesh në procedim për shkarkim në KLD për lirimin e Paro Laçit.
