Deputetja e Partisë Demokratike, Albana Vokshi, ka dalë para mediave për të akuzuar Ministrin e Shëndetësisë, Ilir Beqaj lidhur me shkarkimet e shumta nga puna e punonjëseve nga spitalet rajonale, kohët e fundit.
Sipas Vokshit të gjitha vendet e liruara nga pushimi i padrejtë i punonjëseve në sistemin e shëndetësisë janë zvendësuar nga anëtar partie. Vokshi paraqiti numrin e punonjëseve që janë pushuar nga puna.
Në spitalin e Fierit janë pushuar 20 punonjëse
Në spitalin e Tropojë janë pushuar 30 punonjëse
Në spitalin e Vlorës janë pushuar 20 punonjëse
Në spitalin rajonal të Elbasan janë pushuar 80 punonjëse
Në spitalin rajonal të Kukësit janë pushuar 32 punonjëse
“Punonjësit e shëndetësisë po hidhen në rrugë. Nga kjo valë shkarkimesh ka prekur edhe gra kryefamiljare”, ka thënë Vokshi.
Më tej ajo ka akuzuar ministrin e Shëndetësisë, Ilir Beqaj se mashtron kur thotë se reforma bëhet për shkak të mosshfrytëzimit të shtretërve.
“Partia Demokratike u bën thirrje institucioneve që të hetojnë këto largime masive nga puna”, ka shtuar Vokshi.
“Beqaj mashtron që reforma bëhet si shkak i mosshfrytëzimit të shtretërve. Po si mund të shfrytëzohen shtretësit kur ka mungesë barnash dhe infrastructure në spitalet tona. Partia Demokratike e dënon këtë arbriraritet ndaj punonjëse dhe i bën thirrje KLSH-së, Avokatit të Popullit dhe institucioneve ndërkombëtare që të ndalojnë pushimet nga puna”, tha Vokshi gjatë deklaratës së saj.
