Një makinë është shpërthyer me një sasi eksplozivi në orët e para të mëngjesit të sotëm në lagjen “Duriçi” në Bulqizë.
Ora shënonte 2 e 30 e mëngjesit ku makina tip Volkswagen e shtetasit Rexhep Losha ka shpërthyer brenda oborrit të shtëpisë së tij. Bëhet e ditur nga policia se pista e parë e hetimit është ajo e konflikteve në minierën e kromit.
Nga shpërthimi, fatmirësisht, nuk ka patur viktima por vetëm dëme materiale.
Të traumatizuar, familjarët kanë dalë të gjithë jashtë dhe kanë njoftuar policinë, që ka nisur hetimet paraprake për ngjarjen e rëndë.
