Asambleja e Partisë Socialiste ka zgjedhur sot drejtuesit e kësaj force politike, me të cilën kryesocialisti Edi Rama do të udhëheqë partinë më të madhe në vend drejt zgjedhjeve të 2017-s.
Gramoz Ruçi është rizgjedhur Sekretar i Përgjithshëm i Partisë Socialiste. Ai ka marrë 266 vota “pro” dhe 2 kundër. Në garën e zotërinjëve socialist dy më të votuarit me numër të barabartë votash, 241, ishin Pandeli Majko dhe Blendi Klosi, pasuar nga Erion Veliaj 236 vota ndërsa Saimir Tahiri mori 234 vota.
Më pak të votuarit që mbetën jashtë kryesisë janë deputetët Bensnik Bare, Eduard Shalsi dhe Ulsi Manja së bashku me kryebashkiakun e Elbasanit, Qazim Sejdini.
Koordinator Kombëtar ëhstë zgjedhur Ilir Beqaj me 240 vota pro, aktualisht ministër i Shëndetësisë.
Sekretarët e rinj të PS-së janë: Bashkim Fino, Sekretar për për organizimin Administrativ, i zgjeddhur me 260 vota pro;
Alfred Peza, Sekretar për organizimin Dixhital, që ka marrë 247 vota pro;
Musa Ulqini, Sekretar për menaxhimin e Burimeve njerëzore dhe koalicionin, me 249 vota pro;
Elisa Spiropali, Sekretare për Rininë, me 243 vota pro; ndërsa Blerina Gjylameti ëdhtë zgjedhur Sekretare për Elektoratin me 246 vota pro. Gjatë votimit për zgjedhjet e sipërpërmendura, anëtaret e PS-së votuan “pro” dhe kundër.
Gjatë votimit të sotëm janë zgjedhur edhe anëtarët dhe anëtaret e Kryesisë së re të PS-së.
Nga kandidatët burra kanë qenë 18 kandidatë, të cilët garonin për 13 vende.
Pas numërimit të votave të 268 anëtarëve të Asamblesë, më të votuar kanë rezultuar, Pandeli Majko dhe Blendi Klosi me 241 vota secili. Pas tyre renditet Erion Veliaj me 236 vota dhe Saimir Tahiri me 234 vota. 216 vota ka marrë Arben Ahmetaj. Fatmir Xhafaj ka marrë 214 vota.
Barazi në vota ka edhe mes Erion Braçes e Taulant Ballës. Secili prej tyre ka marrë 208 vota. Vota të mjaftueshme për të qenë anëtar kryesie kanë marrë edhe dy kryebashkiakët, Armando Subashi e Vangjush Dako, respektivisht me 180 vota dhe 177 vota. Jashtë kryesisë së PS-së mbesin Ulsi Manja, Besnik Bare, Eduard Shalsi si dhe kryebashkiaku i Elbasanit, Qazim Sejdini.
Ndërsa, anëtaret femra të Kryesisë janë: Englantina Germeni, e cila ka marrë 226 vota, Mimi Kodheli me 219 vota, Vasilika Hysi me 197 vota , Lindita Nikolla me 177 vota, Evis Kushi me 167 vota, Olta Xhaçka me 166 vota dhe Valentina Leskaj me 163 vota.
