Arkitektit italian, Marco Casamonti, që projektoi ndërtimin e stadiumit të ri “Arena Kombëtare” rezulton me precedentë penalë në Itali.
Projekti i stadiumit është realizuar nga kompania “Archea”, ku gjatë prezantimit të projektit, kryeministri Rama vlerësoi arkitektin Casamonti, duke theksuar se stadiumi shqiptar do të jetë i treti stadium modern që do mbajë firmën e tij.
Mësohet se në vitin 2008 nga mediat italiane se Marco Casamonti rezulton ndër shtatë personat e arrestuar për korrupsion, në kuadër të një hetimi mbi urbanizimin e zonës së Kalasë, në Firence.
Në një artikull të gazetës italiane “La Repubblica” shkruhet se hetimet e prokurorit Giuseppe Quattrochi zbuluan implikimin e arkitektit të njohur, në një tender prej 98 mijë eurosh për rikonstruksionin e një ndërtese në komunën Terranova Braçiolini. Sipas organit të akuzës, arkitekti ka ndikuar në tender.
Konkretisht arkitekti u arrestua në 11 dhjetor 2008 dhe rifitoi lirinë në 2 janar 2009. Për rreth një muaj ai qëndroi në “arrest shtëpie”.
Boldnews.al
