Prokuroria e Krimeve të Rënda jep pretencën për grupin e strukturuar kriminal që kryente vrasje me pagesë. Ndaj tyre prokuroria ngriti 38 akuza.
Prokuroria e Krimeve të Rënda ka kërkuar:
35 vite burg për Jualian Sinanaj
Burg përjetë për Andon dhe Genis Mëhillajn
26 vite burg për Marjon Mitro
5 vite burg për Ilir Karçinin
11 vite burg për Albin Merxhaj
8 vite burg për Ndriçim Gjokona
Seanca ne Gjykatën e Krimeve të Rënda u zhvillua me dyer të mbyllura. Julian Sinanaj ishte i penduari i cili u tërhoq më pas nga dëshmitë. Prokuroria kërkoi 35 vjet burg, nga të cilat 30 vjet do të jenë në kushte të larta sigurie. Ç’ka do të thotë se Julian Sinanaj nuk ka të drejtë për 30 vite të kërkojë ulje dënimi. Ndërkohë për të penduarin e tjetër i cili bashkëpunoi me prokurorinë, Ndriçim Gjokona u kërkua 8 vjet burg.
Akuzat
15 akuza kanë formuluar prokurorët e çështjes për serialin-killer Sinanaj ku i janë faturuar dy vrasje si dhe një sërë atentatesh me lëndë eksplozive.
Ndihmësi i killerit, Ndriçim Gjokona, akuzohet për 7 vepra penale ndër to vrasja dhe pjesmarrja në grup kriminal.
6 akuza janë formuluar për kushurinjtë Genis dhe Andon Mëhillaj,të akuzuar si porositës të disa ngjarjeve mafioze në Vlorë.
Ata kanë porositur vrasjen e shtetasve Sokol Veizi dhe Agron Çela si dhe kanë paguar Julian Sinanajn për të vendosur në shtepinë e ish-kreut të PD-së Vlorë, Ardian Kollozi.
Marjon Mitro do të gjykohet për tre vepra penale. Prokuroria ka mundur të faktojë se ai ka poprositur atentatin e mbetur në tentativë ndaj ish-prefektit të Vlorës, Besnik Dervishi. Dervishit iu vendos lëndë eksplozive në makinë. C4 u pikas gjatë kohës kur mjeti po hynte në Kryeministri.
Mbi biznesmenin e gazit Ilir Karçini, Krimet e Rënda kanë ngritur një akuzë, atë të sigurimit të kushteve për të kryer vrasje .
Karçini dyshohet se do të paguante serial-killerin 150 mijë euro për vrasjen e konkurentit të tij Piro Bare.
Ndërsa mbi Albin Mexhaj është ngritur akuza e trafikimit të armëve, pasi ky shtetas i shiste armet Julian Sinanajt.
Sinanaj u arrestua në Tiranë, në janar të vitit 2014 me një sasi të konsiderueshme armësh dhe eksplozivësh.
