Policia e Tropojës në bashkëpunim me specialistët për narkotikët ka sekuestruar 16 kg lëndë narkotike e dyshuar Cannabis Sattiva, 130 fidanë Cannabis Sattiva, një armë zjarri si dhe një armë e ftohtë (thikë).
Operacioni antidrogë i koduar “Morina 2016” ka mundur të vë në pranga dy shtetas, të cilët janë kapur në flagrancë, ndërsa dy të tjerë janë shpallur në kërkim. Të arrestuarit janë Saimir Brahaj, 31 vjeç, banues në fshatin Kërrnajë, Tropojë dhe Gentian Berisha, 31 vjeç, banues në fshatin Viçidol, Tropojë.Arrestimi i tyre është bërë gjatë një kontrolli në banesën e shtetasve Saimir Brahaj dhe Gentian Berisha
Ndërsa, dy personat në kërkim janë shtetasit: 1-A.B, 54 vjeç, banues në Fshatin Kërnajë. 2-A.B, 29 vjeç, banues në Kërnajë.
Mbi bazën e informacioneve të marra në rrugë operative, Efektivat e Komisariatit të Policisë Tropojë në bashkëpunim me specialistët për Narkotikët, në Drejtorinë Vendore të Policisë Kukës, finalizuan me sukses operacionin e koduar “Morina 2016”.
Ata akuzohen për veprat penale “Prodhim dhe shitje të lëndëve narkotike”, “Prodhim dhe mbajtje të armëve të ftohta”. (Neni 283/2 e 279 i Kodit Penal).
Njoftimi i policisë:
Arrestimi i shtetasit Saimir Brahaj, u bë pasi: Gjatë kontrollit të ushtruar në banesën e tij, iu gjetën dhe iu sekuestruan 3 (tre) thasë dhe një qese plastike me peshë totale 16 kg lëndë narkotike e dyshuar Cannabis Sattiva, si dhe një armë e ftohtë thikë . (Neni 283/2 e 279 i Kodi Penal). Ndërsa arrestimi i shtetasit Gentian Berisha, u bë pasi : Gjatë kontrollit të ushtruar në banesën e tij në oborr, iu gjetën dhe iu sekuestruan 130 (njëqind e tridhjetë) bimë narkotike e llojit Cannabis Sattiva, të mbjella në gota plastike dhe vazo lulesh, një armë zjarri. (Neni 284 e 278 i Kodit Penal). Në cilësinë e provës materiale gjatë operacionit, u sekuestruan: – 16 kg lëndë narkotike të dyshuara Cannabis Sattiva. – 130 fidanë Cannabis Sattiva. – një armë e ftohtë (thikë). – një armë zjarri. Materialet për veprime të mëtejshme i kaluan Prokurorisë Rrethit Gjyqësor Tropojë, në ngarkim të shtetasve të lartpërmendur.
