“Brenda gjatë muajve aeroporti i Kukësit do të vihet në punë”, kjo është deklarata e Drejtorit të Projekteve në Ministrinë e Transporteve Krislen Keri.
Më tej ai shtoi se zhvillimi apo menaxhimi i aeroportit të Kukësit mund të jepet me koncesion të formës Partneritet Privat-Publik.
Drejtori i Projekteve në Ministrinë e Transporteve Krislen Keri shprehet se për tu vënë në funksion aeroporti kërkon një investim prej 3 milionë eurosh dhe aktualisht po shqyrtohen të dyja mundësitë si financim nga buxheti apo bashkëpunim me privatin.
Keri: Nuk përjashtohet as mundësia që ky aeroport të jepet me partneritet publik-privat në rast të ofertave të mundshme. Në rast se shteti, arrin që të plotësojë paketën e plotë me projektin për këtë ndërhyrje, atëherë pjesë e partneritetit mund të qëndroj vetëm në fazën e menaxhimit.
Drejtori i projekteve bën me dije se ka pasur kompani Loë-Cost si ËIZZ AIR që kanë shprehur interes për aeroportin e Kukësit por kanë kërkuar që më parë të plotësohen disa kritere, raporton oranews
Keri: ËIZZ AIR ka shkuar atje, ka bërë inspektimin dhe ka rezultuar me një set kriteresh që duhet të plotësojë ai aeroport për t’u vënë në zhvillim, kritere të cilat bien brenda planit tonë zhvillimor.
Për hapjen e aeroportit të Kukësit, kompanisë Tirana Internatinoal Airport do t’i zgjatet kontrata koncesionare me dy vite. Qeveria arriti marrëveshjen me konçesionarin i cili kishte të drejtën eskluzive për aeroportin dhe fluturimet në Shqipëri deri në vitin 2025 pas dy vitesh negociata.
Bold News
