Prej mbrëmjes së kaluar për disa orë me radhë një nga personat më të përfolur si pjesë e krimit, Emiljano Shullazi është mbajtur si i shoqëruar në ambientet e policisë, deri sa rreth orës 01:30 të mëngjesit të sotëm atij i është komunikuar arrestimi.
Burime për Bold News bëjnë me dije se gjithçka lidhe me shpërthimin e një muaji më parë në garazhin e biznesmenit Arjan Ziko.
Bëhet e ditur se policia ekzekutoj urdhër ndalimin e Prokurorisë së Krimeve të rënda Tiranë për Emiliano Shullazin,Gilmando Dani dhe Blerim Shullazin për veprën penale të “Shkatërrimit të pronës me eksploziv”, ndaj Zikos, me qëllim kanosjen e tij për fitimin e pasurisë në mënyrë të padrejtë.
Në orën 00.25 të 13 marsit të këtij viti ka ndodhur një shpërthim i fuqishëm tritoli në rrugën “Sali Butka” në Tiranë, në garazhin e Arjan Ziko dhe sipas policisë ka ardhur si pasojë e vendosjes së një sasie të konsiderueshme tritoli.
Forca e shpërthimit ka qenë aq aq i fuqishëm sa ka terrorizuar të gjithë banorët, të cilët dolën menjëherë nga banesat e tyre, po ku për fat të mirë pati vetëm dëme materiale.
