Rihapja e negociatave me PE, duhen plotësuar 4 kushte

Reforma në drejtësi, lufta kundër korrupsionit dhe krimit të organizuar, administrata publike dhe të drejtave themelore janë katër kushtet që duhet të plotësojë Shqipëria për të rihapur negociatat me Parlamentin Europian.

Knut Fleckenstein, raportuesi për Shqipërinë është shprehur se këto janë katër kushtet e vendosura nga Parlamenti Evropian, i cili ka kërkuar intensifikimin e reformave kyçe politike dhe administrative.
“Shqipëria është në rrugën e duhur drejt anëtarësimit në BE. Vendi, aktualisht po përgatit një reformë shumë ambicioze në Drejtësi që i jep përgjigje shqetësimeve më të rëndësishme të qytetarëve dhe që do të ndihmojë në luftimin e korrupsionit në jetën e përditshme. Tani liderët politik të saj duhet të ruajnë këtë vrull dhe të vazhdojnë zbatimin e reformave”, tha raportuesi për Shqipërinë në PE, Knut Fleckenstein.
Në kërkesat e PE¬së për Shqipërinë në mënyrë që t’i propozohet Këshillit të BE¬së hapja e negociatave për anëtarësim në union, theksohet se duhen intensifikuar përpjekjet në zbatimin e ligjit, reformën në drejtësi, luftën kundër korrupsionit dhe krimit të organizuar, administratës publike dhe të drejtave themelore
Nga ana tjetër, eurodeputetët shprehën shqetësim për përhapjen e gjerë të korrupsionit në arsim, shëndetësi, drejtësi dhe disa fusha të tjera. “Përhapja e gjerë e auto censurës mes gazetarëve, që ndonjëherë pengohen fizikisht për të mbuluar ngjarje specifike, dhuna dhe kërcënimet për shkak të punës, është gjithashtu një çështje shqetësuese, shtojnë ata.