Gratë që i janë nënshtruar procesit të “In Vitro Fertilization (Fertilizim in vitro)”, IVF mund të kenë shanse në rritje të zhvillimit të kancerit të gjirit, thonë kërkimet e fundit.
Një studim që përfshin 43.000 gra gjeti se ata që i janë nënshtruar trajtimeve IVF kanë më shumë gjasa për të zhvilluar inde të dendura të gjirit. Dendësia e indeve në gji njihet si një nga faktorët më të fortë të rrezikut të kancerit të gjirit.
Ekipi i shkencëtarëve nga Instituti Karolinska në Suedi ka gjetur se gratë që janë jopjellore kanë tendencë të kenë inde më të dendura gjiri se sa gratë pjellore, një mesatare prej një shtesë 1.53 centimetra kub. Por, ekipi gjeti se gratë që iu nënshtruan IVF-së i kishin edhe më të dendura indet e gjirit, një shtesë 4.26 centimetra kub.
Shkencëtarët thanë se kjo tregon se trajtimi në vetvete, i cila përfshin injeksione hormonale për të stimuluar vezoret, mund të ketë ndryshuar strukturën e gjirit.
Megjithatë, ata theksuan se indet e dendura nuk mund domosdoshmërisht të çojnë në kancer gjiri.
Sipas tyre mënyra më e mirë që gratë të zvogëlojnë rrezikun e kancerit të gjirit është që të mbajnë një peshë të shëndetshme, të jenë fizikisht më aktive dhe të reduktojnë alkoolin.
Burimi: DailyMail
