Gjatë vizitës në Shtetet e Bashkuara, kryeministri Edi Rama është pritur me protesta. Një grup shqiptarët kanë protestuar ndaj kryeministrit Rama teksa ky i fundit hynte në Muzeun Hebre.
Në fillim të aktivitetit, ajo që ra në sy ishte një grup ambientalistësh shqiptarë dhe amerikanë, të cilët e kishin menduar ndryshe pritjen e Kryeministrit të Shqipërisë, duke protestuar me pankarta ne duar “EDI RAMA NO HYDROPOWER IN VALBONA”.
Kjo protestë e mbajtur ditën e djeshme, jashtë dyerve të muzeumit “Museum of Jeëish Heritage,” në Nju Jork ishte në vazhdim të protestave që u mbajtën në të njëjtën ditë në Tiranë përpara Kryeministrisë dhe në Tropojë.
Aktivistët amerikanë që morën pjesë në këtë protestë, nuk ishin shumë, por ata janë ambientalistë të profilit të lartë dhe të njohur në Nju Jork për për mbrojtjen e klimës dhe mjedisit në SHBA.
Lugina e Valbonës ka statusin e Parkut Kombëtar prej 1996 dhe pritej që të shndërrohej në zonën më të rëndësishme turistike në vend, si pjesë e një parku gjigant, që bashkon Alpet me Kosovën e Malin e Zi.
Por gjatë lumit Valbonë pritet tashmë të ndërtohen disa hidrocentrale.
