“Mos mbush bombula sot se jemi për kontroll”. “Jam te karburanti të solla vërtetimin”. Këto janë disa nga përgjimet e Policisë së Shtetit, të cilat u finalizuan me arrestimin e tre inspektorëve të Inspektoriatit Qendror Teknik (IQT), pas një hetimi disa-mujor.
Boldnews vijon publikimin e përgjimeve për tre inspektorët e IQT-së të cilët janë arrestuar si të dyshuar për korrupsion duke lejuar parregullsi në pikat e karburanteve në Tiranë, Durrës dhe krujë në këmbim të parve.
Prokuroria e Tiranës ka dërguar në gjykatë kërkesën për caktimin e masës së sigurisë për tre zyrtarët e IQT-së, Sandër Prenga, Alton Kasembi dhe Dorian Flamuraj, të cilët për dyshohen për “korrupsion pasiv”.
Në dosjen e prokurorisë, një pjesë e të cilës është parë nga “Boldnews.al”, baza kryesore e hetimit janë përgjimet dhe vëzhgimet në terren që janë realizuar nga oficerët e Policisë. Sipas hetimeve, inspektorët e IQT-së dyshohet se merrnin nga 20.000 – 50.000 lekë për çdo shkelje ligjore në pikat e karburantit, të cilat nuk i raportonin.
Përgjimet
1. Inspektori Sander Prenga, komunikon me nje administrator te nje karburanti i identifikuar me emrin B…. dhe i kerkon qe te pije kafe, pasi vertetimi eshte gati. Kerkon qe te takohet deri ne fund te muajit. Inspektori Sander Prenga takohet me administratorin tek parkingu, ne makinen e inspektorit, jo ne zyre.
2. Inspektori Sander Prenga, komunikon mbas dite me nje administrator te nje karburanti i identifikuar me emrin N.
– Sandri : Ti ke vetem ate te zjarrefikses. Kur te biesh ate e ke gati vertetimin.
Me pas Sandri e merr ne telefon N. dhe i thote qe vertetimi eshte gati.
Sandri– Vertetimin e ke gati.
– N… : Akoma nuk ma kane sjelle ate te zjarrefikses, me thane per te premten dhe nuk ma kane sjelle.
– Sandri : Te thashe une qe te kam mbaruar pune, e kupton vete ti.
Me pas takohen ne Fushe Kruje. I jep vertetimin pa plotesuar te gjithe dokumentacionin per marrjen e vertetimit.
3. Inspektori Sander Prenga, komunikon mbas dite me nje administrator te nje Karburanti.
– Sandri : Jam tek pika jote, ku je ?
Administratori: Jam ne Durres. A e le aty dhe hajde neser, se ti jap une leket ne vend, se dhe ai nuk ka leke, ai shitesi?
Sandri: neser ne mengjes degjohena”
4. Inspektori Sander Prenga, komunikon me nje administrator te nje pike karburanti ne Bathore Tirane :
Sandri : Sot mos mbushe bombla se jemi per kontroll », (pas kontrollit takohen ne nje lokal).
Pas dy ditësh :
– Administratori : Cdo gje qe kemi bere bashke, kemi vepruar, ti kafen tende e ke njehere, dokumentat i dorëzova”.
– Sandri: “ti bej letrat mu hiq qafe”,
Administratori: “Okej nuk eshte problem, une te pata thene qe ate dite, nuk kishte problem ai muhabeti, fare”.
Në linkun e mëposhtëm do të gjeni përgjimet e pjesës së parë që Boldnews publikoi dje:
