Gjatë votimit të sotëm për referendumin e Partisë Socialiste, për mandatin e kryetarit, ka patur edhe një denoncim nga deputetja e Shkodrës, Mimoza Hifizi.
Në një deklaratë në “News 24”, ajo ka thënë se dje pasdite në mënyrë të papritur ishin ndryshuar anëtarët e komisionit zgjedhor të Shkodrës.
“Ne mbetemi pa vëzhgues”¬ ka thënë ajo.
Ndërkohë që ka hedhur votën e tij dhe kryeministri Rama në Qesarakë, Dajt.
Priten të votojnë rreth 81.000 votues në disa qëndra votimi. Referendumi është i pari që votohet nga një forcë politike në vend. Referendumi i thirrur në Kongresin e datës 19 mars do të vendosë nëse mandati i kryetarit rinovohet automatikisht pasi ai fiton zgjedhjet dhe bëhet kryeministër.
Në orën 16.00 do të përfundojë procesi i votimit.
