Kryeministri shqiptar, Edi Rama, shprehet se shpresonte që kandidati republikan për president të SHBA-së, Donlad Trump, të mos zgjidhej në postin e shefit të Shtëpisë së Bardhë.
“Mos e dhashtë Zoti që Amerika ta zgjedh Trump për president”, ka thënë Rama.
Kreu i qeverisë shqiptare ka thënë se nëse ndodh që Trump të zgjidhet si i pari i SHBA-së, atëherë do të përkeqësoheshin marrëdhëniet diplomatike në mes të shqiptarëve dhe amerikanëve.
“Donald Trump është kërcënim për Amerikën dhe pa dyshim është kërcënim për marrëdhëniet shqiptaro amerikane. Do të ishte një President që do t’i bënte dëme të mëdha Amerikës dhe do të ishte kërcënim real për marrëdhëniet shqiptaro-amerikane.” – ka thënë Rama.
Këto deklarata Rama i dha në një intervistë në Zonën e Debatit në Klan Kosova.
