Nga Jetmir Olldashi
Ka kohë që “në shtëpinë e lirisë”, gjërat nuk janë duke shkuar qetë, por edhe përplasje publike nuk ka. Duket se opozita është e përfshirë në një luftë të ftohtë mes lidershipit
të djeshëm dhe atij të sotëm. Ceremonia në kujtim të 4 dëshmorëve të demokracisë të vrarë në 2 prill 1991 e tregoi sërish çarjen që egziston mes kreut të kësaj partie Lulzim Basha dhe ish numrit dy të PD-së Jozefina Topalli.
Pjesmarrje e gjithë drejtuesve të PD-së në një ceremony me simbolikë domethënëse për PD, u tradhëtua nga qytetarët shkodran, të cilët duket se kanë marë anën e Jozefina Topallit. Nëpërmjet një postimi në profiling e saj në Facebook Topalli flet për ata që ishin aty 25 vjet më parë duke lënë të kuptohet se fjalimet dhe retorika e zotit Basha nuk përkon me ndjesitë e shkodranëve në një ditë si kjo. Situata “ në shtëpinë e lirisë” siç i pëlqen zotit Basha ta quaj selinë dhe partinë e tij është kaotike.
Stekat e vjetra bëjnë presion dhe i tregojnë kryetarit se kush është “shefi” në zonat e tyre elektorale, ndërsa nga ana tjetër në mënyrë të vazhdueshme e graduale zoti Basha po përpiqet te vendos autoritetin e tij. E vështirë në fakt në një parti ku ka dominuar për më shumë se 20 vjet emblema dhe figura e zotit Berisha.
Gjendja në rrethe paraqitet dramatike ndërsa partia më e madhe e opozitës vazhdon të vuajë edhe në kryeqytet. Zgjedhjet efundit lokale ku opozita kishte një kandidat nga më të mirët në historinë e kryebashkiakëve, zotin Halim Kosova, por që u thye keqas dhe nga një figurë e të majtës si Erion Veliaj, tregon për mungesën e vizionit dhe përçarjen e thellë. Strategjia e opozitës herë me protesta herë pa protesta tregon në fakt mungesën e vizionit të lidershipit dhe kulisat që luhen poshtë tavoline.
Zoti Basha ia ka dalë të shmang ish anëtarët e kabinetit Berisha, por ka afruar praën vetes njerëz pa integritet dhe pa popullaritet për qytetarët shqiptarë. Me figura si Kadilli apo Enno Bozdo, duket s epartia Demokratike u largohet më shumë qytetarëve dhe nuk ngjall as shpresë dhe besim. Ndoshta zoti Basha duhet të fillojë nga bashkpunëtorët e tij të ngushtë për tu treguar shqiptarëve se e meriton të bëhet kryeministër.
Nëse nuk largon të korruptuarit e djeshëm dhe cinikët që ka praën vetes atëherë çdo takim dhe çdo fushatë ai do të kërcënohet pa fund nga liderët local të cilët mund tja bëjnë jetën shumë të vështirë, por jo vetëm kaq, ata mund tja heqin nga duart mundësinë që një ditë ai të bëhet kryeministër I Shqipërisë.