Fshati Leshnicë i Pogradecit, këtë të hënë ka qënë nën efektin e lajmit për vrasjen e ish – imamit Almir Daci.
Familjarët kanë hapur dyert e mortit ndërsa, banorët e fshatit vazhdojnë të kryejnë ritet, megjithëse trupi i tij nuk ndodhet në shtëpi. Fqinjët thonë se nuk dinë si të ngushëllojnë familjarët e tij.
Familjarët thonë jashtë kamerës se nuk duam të prononcohen.
Vëllai i tij Urimi, thotë se lajmin e mori nga kunata, ish – bashkëshortja e Dacit, e cila u ka thënë se ai është vrarë në luftë. Lajmi është konfirmuar edhe nga motra e tij e në Greqi. Të afërmit shprehen se nuk dinë asnjë detaj më shumë për vendin, kohën dhe rrethanat e ngjarjes.
Almir Daci është i treti person i vrarë në Siri nga ky fshat, të cilët kanë luftuar si xhihadistë përkrah ISIS. Pogradeci është rrethi më i madh që ka luftëtarë që luftojnë në Siri./ Tv Klan
