Matilda Kahl është bërë e njohur në mbarë botën se vesh të njëjtën veshje në punë, prej 4 vitesh. Edhe pse ajo i ka ndërruar vendet e punës, uniforma e saj po qëndron e njëjtë.
Vitin e kaluar, historia e saj u përhap si virus në internet, kur rrëfeu se çdo ditë në punë vishte këmishën e bardhë prej mëndafshi dhe pantallonat klasike të zeza, të cilat i cilësoi si ‘uniformë pune’.
Sipas saj kjo është një mënyrë ideale për të bërë si meshkujt: Që nuk vuajnë problemin e veshjes, por këmisha e bardhë me pantallonat e zeza i shoqëron çdo ditë, duke i kursyer kohë dhe para.
Kahl ka rrëfyer se dëshiron të vlerësohet se si e bën punën e saj në thelb, e jo se çfarë ka veshur, ose se si i ka flokët.
Ajo zotëron dhjetë këmisha të njëjta të bardha, pesë palë pantallona të zeza dhe tre xhaketa të zeza, të cilat ajo i vesh kur është e ftohtë.
Burimi: The Independent
