Shumica e të rriturve kanë nevojë për mes gjashtë dhe nëntë orë gjumë në natë, në mënyrë për të përformuar sa më mirë.
Sasia e gjumit që një person ka nevojë varet nga gjenetika, çka do të thotë se disa performojnë më mirë edhe me më pak gjumë e të tjerë kanë nevojë për të fikur disa herë alarmin në mënyrë që të ndihen në formë.
Një nga problemet më të mëdha me gjumin është rënia e aftësisë njohëse: Truri ynë thjesht nuk funksionon si duhet pa gjumë.
Mungesa e gjumit mund të ketë efekte të rënda në performancën tonë, duke filluar nga humori i keq deri në një rritje të rrezikut të sëmundjes së zemrës.
Mungesa e gjumit nuk lidhet vetëm me faktin se mund të ndiheni të lodhur, por ajo mund të ketë efekte të rrezikshme të padukshme.
Këtu janë gjashtë rreziqe që burojnë nga mungesa e gjumit:
- Dëmtim i aftësisë për të gjykuar
Mungesa e gjumit sjell përplasje vizuale të kujtesës suaj në punë, duke e bërë të vështirë për të të bërë dallimin në mes stimujve të rëndësishme dhe të parëndësishme në mjedisin tuaj dhe ndikon në inteligjencën tuaj emocionale, sjelljen dhe aftësinë për të menaxhuar stresin. - Çrregullime humori
Problemet e shëndetit mendor janë të lidhura me çrregullimet e gjumit dhe një mungesë gjumi mund të bëjë kërdinë në tru, duke sjellë simptoma të depresionit, ankthit dhe maniaë. - Rritje e presionit të gjakut
Një gjumë i dobët mund të rrisë presionin e gjakut dhe në afat të gjatë lidhet me një rritje të rrezikut të sëmundjeve të tilla si sëmundje koronare të zemrës dhe goditjet në tru. - Rritja e aksidenteve
Në SHBA është llogaritur se 100.000 e aksidenteve rrugore çdo vit vijnë si rezultat i lodhjes së shoferit dhe mbi një e treta e shoferëve kanë pranuar që i zë gjumi në timon. - Shtim në peshë
Privimi nga gjumi ndikon në nivelet e hormoneve të përfshira në rregullimin e oreksit. Nivelet e leptin-it (hormon që ju tregon se sa yndyrë të depozituar keni) bien dhe rriten nivelet e hormonit të urisë, ghrelin-ës. - Halucinacione
Mungesë e theksuar gjumi mund të çojë në halucinacione; d.m.th sheh gjëra që nuk janë me të vërtetë atje. Në raste të rralla mund të çojë në simptoma që i ngjajnë skizofrenisë paranoide.
Burimi: The Independent