Banka e Tiranës ka kallëzuar penalisht zëvendësdrejtoreshën e një prej degëve, Albana Zeqaj për vjedhjen e mbi 32 mijë eurove, ndërkohë që sqaron se veprimet e saj nuk cënojnë sigurinë dhe seriozitetin e marrëdhënieve të Bankës me klientët.
Reagimi erdhi pas shkrimit të publikuar në Boldnews.al. Në të thuhet se vjedhja u konstatua pas monitorimeve të brendshme.
“Banka e Tiranës ka konstatuar si pasojë e monitorimeve të brendshme rutinë, kryerjen e veprimeve të kundraligjshme në dëm të saj në vlerën prej 32,555 euro nga shtetësja A.Z, në cilësinë e zëvendës drejtoreshës së degës. Vetë Tirana Bank ka depozituar më datë 31.10.2014 pranë Prokurorisë së Rrethit Gjyqësor Tiranë, kallëzimin kundër kësaj shtetaseje për veprën penale “Vjedhje e kryer duke shpërdoruar detyrën”, thuhet në deklaratë..
Tirana Bank thekson se ‘dëmet financiare të shkaktuara ndaj bankës nga këto veprime nuk cënojnë sigurinë dhe seriozitetin e marrëdhënieve të Bankës me klientët!’.
SHKRIMIN SE SI ZV.DREJTORESHA E BANKËS VODHI MILIONA E KLIENTËVE E GJENI NË LINKUN E MËPOSHTËM
Drejtuesja e “Tirana Bank” vodhi miliona duke falsifikuar firmat e klientëve
