Policia greke shkatërron grupin kriminal të shqiptarëve

Grupi i kriminelëve shqiptarë është vënë në pranga nga policia greke.

Gjashtë shqiptarë dhe një shtetas grek janë vënë në pranga nga policia greke pasi akuzohen për vrasje, grabitje, vjedhje shtëpish dhe makinash në zona të ndryshme të Athinës.

Grupi kriminal ishte i përbërë nga 8 anëtarë, njëri prej të cilëve ishte në burg.

Ata akuzohen kryesisht për pjesëmarrje në organizatë kriminale, për dy tentativa vrasjeje me paramendim, dy vjedhje, një tentativë vjedhjeje, një bastisje, një zjarrvënie automjeti dhe trafikim të lëndëve narkotike.

Në cilësinë e provave materiale, atyre u janë gjetur dhe konfiskuar disa armë zjarri, fishekë, 2.000 euro “cash”, bizhuteri të ndryshme, mjete të forta për të kryer vjedhjet, telefona celularë me karta SIM dhe sasi lëndësh narkotike, raporton Top Channel.

 Midis shtetasve shqiptarë, të cilët janë të moshës nga 28 deri në 43 vjeç, ndodhet edhe një vajzë, ndërsa grupi kishte më shumë se dy vite që vepronte në disa lagje periferike të kryeqytetit. Të arrestuarit janë çuar në Prokurori dhe po hetohen nga ekspertët e kriminalistikës.
LEXO EDHE  Aksidenti në Fushë Krujë-Milot, dyshohet edhe për 1 viktimë (FOTO)


PËRGJIGJU

Please enter your comment!
Please enter your name here