Pikëpyetjeve të shumta që janë drejtuar për refuzimin e vizës së kreut të Prokurorisë së Durrësit, Agron Gjana i ka vënë pikën kryeprokurori Llalla. Arsyeja e vërtetë, sipas Llallës, që prokurori Gjana nuk mundi të shkojë me delegacionin në SHBA, pasi Ambasada Amerikane i refuzoi vizën, është se kjo e fundit nuk besoi se Gjana do të kthehej më në Shqipëri. “Kryeprokurori i Durrësit ishte pjesë e delegacionit tim për në SHBA. Por viza e tij nuk u dha në kohën e duhur për shkak të dokumentacionit. Më pas ajo u anulua fare dhe përgjigja ishte nga ambasada se “nuk besonin se ai do të kthehej më në Shqipëri”, tha Llalla.
Lllalla dhe një sërë prokurorësh morën pjesë në një konferencë të një shoqate në SHBA, mirëpo kryeprokurori i Durrësit, që ishte pjesë e delegacionit nuk mori dot vizë. Ndërkohë që nga Prokuroria u tha disa ditë më parë se atij iu refuzua viza për shkak të mungesës të mungesës së dokumenteve. Kryeprokurori Llalla përgënjeshtroi zërat se vizita në SHBA lidhet me Byronë Kombëtare të Hetimit.
