Gjykata e qytetit të Brescia-s në Itali ka hedhur poshtë për herë të dytë, akuzat për terrorizëm e rekrutim të luftëtarëve të ISIS, ndaj shqiptarit Alban Elezi dhe nipit të tij Elvis Elezi.
Sipas Gjykatës së Brescia-s nuk ekzistojnë elementë që dëshmojnë aftësitë e Alban e Elvis Elezi, në rekrutimin e luftëtarëve të ISIS, e as lidhje të drejtpërdrejta të tyre me persona që e kanë një autoritet të tillë.
Shqiptari Alban Elezi i datëlindjes 1977 u arrestua më 25 mars të 2015 në qytetin e Kavajës, me urdhër të prokurorisë italiane e nën akuzën e aktivitetit terrorist e rekrutimit të luftëtarëve të ISIS.
Për prokurorin e çështjes Cesare Bonamartini, Alban Elezi ka ndihmuar në udhëtimin drejt Sirisë të 22 vjeçarit rrepist Anas El Abboubi, i konsideruar terrorist e rezident në komunën Vobarno në provincën e Brescia-s.
Sipas akuzës Alban Elezi ka garantuar ndihmën llogjistike në terrritorin shqiptar të Anas El Abboubi, si dhe udhëtmin e tij drejt frontit sirian e përfshirjen në luftën e ISIS. Po sipas akuzës italiane, Alban Elezi kishte bërë të njëjtën gjë dhe me kunatin e tij Idajet Balliu, i cili më 8 shtator të 2013 ka udhëtuar nga Tirana drejt Stambollit e më pas në Gaziantep, në kufirin turko-sirian. Atë ditë në Shqipëri gjëndej dhe Anas El Abboubi, në pritje për të udhëtuar drejt Sirisë.
Kunati i Alban Elezit, Idajet Dalliu vdiq në Siri më 15 gusht të 2015. Një tjetë akuzë ndaj Alban e Elvis Elezi është ajo e rekrutimit të 15 vjecarit Ben Ammar Mahmoud, rezident në
Komo të Italisë i cili sipas procesverbaleve të dëshmuara nga vetë ai, ka bashkëbiseduar shumë herë me dy shqiptarët mbi aspiratat e tij xhihadiste. Ben Ammar Mahmoud është penduar në rrugën e tij duke dëshmuar më pas dhe në procesin kundër Alban e Elviz Elezi.
Për prokurorinë italiane ekzistojnë përgjime telefonike e biseda on line që vërtetojnë akuzat e ngritura ndaj dy shqiptarëve, sic është biseda e Elvis me Alban, i cili thotë; “Është një tjetër vëlla gati për atje… Ta nisim me Anas (/Anas El Abboubi).”
Por Gjykata e Brescia-s ka hedhur poshtë për herë të dytë akuzat ndaj Alban e Elvis Elezi të cilët prej ditës së sotme janë të lirë.
