Vip-at mesa duket kanë preferuar që t`ua bëjnë jetën edhe më të bukur me gustot e tyre vajzave shqiptare. Ashtu si dhe Alketa Vejsiu dhe Amarda Toska, këngëtarja Elvana Gjata ka hapur një biznes të ri për martesat.
Elvana Gjata ka paralajmëruar se është gati të veshë me të bardha, vajzat e reja në prag dasme.
“Altar” quhet bashkëpunimi i këngëtares me stilistin kosovar Valdrin Sahiti, të cilët po tentojnë të futen në tregun e fustaneve të nusërisë. Për hir të së vërtetës, në këtë sektor ka shumë konkurencë. Për të mos përmendur emra, pavarësisht influencës përmes muzikës, duket se këngëtarja nuk do ta ketë të lehtë të rrëmbejë klientelën e të rinjve që duan të martohen. Nuk dihet ende një datë e saktë se kur Elvana dhe ekipi i saj do të hapin dyert e dyqanit, por ngacmimin e parë për fansat këngëtarja e ka bërë në IG.
