Më në fund ajo e pranoi atë! Mbretëresha e stilit “taka super të larta” ka pranuar humbjen duke thënë atë që mendojnë shumë prej nesh: Takat shumë të larta thjesh nuk janë në përputhje me jetën e përditshme!
E të pranohet kjo nga një femër që ka veshur taka marramëndëse në ndeshje futbolli dhe terrene sportive është me të vërtetë një rrëfim befasues.
Pra, çfarë ndikoi që Victoria ndryshoi mendim? Mesa duket jeta e përditshme. “Unë thjesht s’mund të mbaj më taka të larta. Të paktën jo, kur unë jam duke punuar”, ka thënë stilistja e famshme, e martuar me David Beckham.
Por, fatmirësisht, për Posh dhe për pjesën tjetër prej nesh, tani ka një rrugë të mesme mes takave të larta dhe balerinave: Takat mesatare dhe të trasha. Këto modele janë shndërruar në trendet e kësaj pranvere.
Burimi: DailyMail
