Heshtja e LSI për protestën tek Liqeni, Tahiri informon Metën me një letër

Teksa Lëvizja Socialiste për Integrim është shfaqur e pozicionuar larg protestës tek Parku i Liqenit, Ministri i Brendshëm Saimir Tahiri ka vendosur ta informojë kryetarin e kësaj force politike, Ilir Metën.

Nëpërmjet një letre, Tahiri i bën të ditur Ilir Metës mbi veprimet proceduriale të kryera nga Policia, pas ngjarjeve të 28 marsit në kodrat e liqenit artificial në Tiranë.

Sipas Tahirit, një grup deputetësh të Partisë Demokratike gjatë zhvillimit të një proteste pa leje, kanë kryer veprime të dhunshme ndaj forcave të policisë bashkiake dhe Policisë së Shtetit. Për këtë Tahiri deklaron se ka nisur procedim penal në Prokurori në ngarkim të disa deputetëve të opozitës përfshirë këtu edhe Gent Strazimirin i cili u pa me një armë gjatë protestës.

LEXO EDHE  Serbia shqyen Shqipërinë me firmën e Ramës

 “Dëshiroj gjithashtu t’Ju kujtoj se të gjithë deputetët e Kuvendit të Shqipërisë që në bazë të dispozitave të Ligjit të ri Për Armët, nuk bëjnë pjesë në grupin e personave që mund të mbajnë armë, kanë detyrimin që t’i dorëzojnë ato në organet e Policisë së Shtetit. Vazhdimi i mbajtjes së këtyre armëve nga ana e tyre është shkelje e këtij ligji dhe i dispozitave të Kodit Penal.”– shkruan ministri në letrën drejtuar Kryetarit të Kuvendit.

Letra e Tahirit vjen në një kohë, kur Boldnews.al publikoi një editorial për heshtjen e LSI për përplasjet tek Parku i Liqenit.

Më poshtë letra e plotë e Ministrit Tahiri:

letra 1Letra 2

 



PËRGJIGJU

Please enter your comment!
Please enter your name here