Gjirokastër – Një 28 vjeçar nga Saranda është kapur me 7.5 kg lëndë narkotike e dyshuar si Cannabis Sattiva. Operacioni i policisë antidrogë “Prita” ka bërë të mundur finalizimin e aksionit duke kapur të riun i cili udhëtonte me makinën e tij tip “Citroen” në aksin rrugor Tepelenë –Progonat. Policia ka pikasur shtetasin Nikolas Hamzai, të cilit i janë gjendur në pjesën poshtë serdileve të para një hapësirë të përshtatur 7 pako me Cannabis Sattiva të mbështjella me qeska dhe me natriban me pesh totale 7.5 kg. Lëndën narkotike po e transportonte në drejtim të Sarandës. Materialet i kaluan Prokurorisë së Rrethit Gjyqësor Gjirokastër për veprën penale “Prodhim dhe shitje narkotikësh ” parashikuar nga neni 283 i Kodit Penal.
Mësohet se policia dispononte informacione ndaj shtetasit dhe transportit të lëndës narkotike dhe sajë një kontrolli të imtësishëm u finalizua me sukses aksioni.
Automjeti i tij “Citroen” me targa AA 861 JJ u kap në vendin e quajtur Kryqëzimi i rrugës që shkon në fshatin Progonat.
