Albana Vokshi reagoi për kallëzimin e policisë ndaj deputetëve të Partisë Demokratike, për protestën tek Parku i Liqenit. Nëpërmjet një postimi në rrjetet sociale, Vokshi e cilësoi antiligjore veprimin e policisë.
“Kallezimi i deputeteve te PD ne prokurori dhe arrestimi i paligjshëm i protestuesve është deshmi e planeve grabitqare te Kryeministrit, i cili dje personalisht drejtoi operacionin e dhunshem e te paligjshem policor ndaj qytetareve qe protestonin per mbrojtjen e Parkut Kombetar ne Tirane.”– deklaroi Vokshi.
Sipas deputetes demokrate, kryeministri Edi Rama nuk mund të dhunojë të drejtat dhe liritë e shqiptarëve.
“Pushteti i dhunimit te te Drejtave te Njeriut eshte ne oret e fundit… Prokuroria te hetoje Kryeministrin, ministrin e brendshem dhe Drejtorin e Policise se Tiranes per dhunimin barbare te protestuesve, per shperdorim te detyre dhe per pengimin e stafeve mjekesore per te dhene ndihmen e shpejte per te plagosurit. Nga selia e “burgut socialist” sapo u deklarua se dhuna eshte standardi i rilindasve… Shqiptaret kane vetem nje standard: lirine !” – përfundoi deklaratën Vokshi.
Më poshtë lexoni postimin e Vokshit:
