Partia Demokratike ka vendosur që të vazhdojë protestat kundër ndërtimit të parkut tek liqeni artificial i Tiranës. Sekretari i Përgjithshëm i PD-së, Arben Ristani ka bërë të ditur se grupi parlamentar ka vendosur që të krijojë një aleancë të gjerë dhe do të vazhdojë protestat tek liqenit.
“Ne do të përshkallëzojmë aksionin politik. Do të bëjnë një aleancë për Tiranën dhe në të gjithë Shqipërinë. Të gjithë ata që do të bashkohen me kauzën e antikushtetueshmërisë. Të gjithë do të bëhemi bashkë kësaj anti të madhe që ka krijuar ky pushtet, për një jetë më të mirë në këtë vend. Tek liqeni është mbledhur antiligjshmëria. Do të ketë protesta të vazhdueshme.
Do vijohet me protestën tek liqeni. Aksion duke zgjeruar aleancën me qytetarët dhe me të gjithë faktorët”, u shpreh Ristani.
