Në 5 nëntor në Këln të Gjermanisë erdhi në jetë një foshnje e embël nga prindërit me origjinë shqiptare. Peshonte 3.7 kilogram dhe 55 cm i gjatë, shkruan media gjermane Express.de. Interesantja qëndron se janë të parët prindër që e vendosin një emër të tillë, Rhein, lumi që kalon përmes qytetit të tyre. E gjithë kjo, për respekt dhe falenderim.
Nënë, Eriselda, 28, tregon se foshnja fle e qetë në karrocën e saj, “por ndonjëherë mundet të bëhet e stuhishme si lumi.”
Ideja e emrit erdhi nga gjyshi
Çifti shqiptar jeton në një kamp refugjatësh dhe vendosjen e emrit ia kanë lënë gjyshit të foshnjës, që është historian dhe gjeograf në Shqipëri. Zakonisht te shqiptarët vendosen emrat e lumenjve, dhe “prindërit ishin dakort me vendimin e gjyshit, që emri i foshnjës të mbajë emrin e lumit Rhein,” tha babai Gerd, 36-vjeçar.
A do mund të qëndrojë familja në Gjermani?
Familja është krenare për emrin e foshnjës, kjo vërehet edhe të vëllai i madh, Ithan (5). Edhe Gerdi Hibo, e ka marrë emrin sipas Gerd Muller, tregon 36- vjeçari.
Familja dëshiron me çdo kusht të qëndrojë në Këln, por Shqipëria është në vendet me origjinë të sigurtë.
“Do bëja çfarë do lloj pune, vetëm të qëndroja këtu,” thotë Gerdi. “U jemi falenderues gjithë qytetarëve të Këlnit për respektin që tregojnë ndaj neve”. Shpresa për qëndrim është e madhe.
Emrat e jashtëzakonshëm në Gjermani janë të lejuar, nëse përcaktohet qartë gjinia dhe foshnja të mos lëndohet personalisht përmes emrit.
Emri Rhein, fjala vjen, është vendosur prej kohëve romake për burrat: kujtoni Rhenus Pater.
Prej 72 lumenjve me gjatësi më shumë se 100km, ka tetë lumenj me gjini mashkullore: der Main, der Inn, der Neckar, der Lech, der Kocher, der Regen dhe der Rhin (afër lumit der Havel).
