Aksidenti tragjik ku humbën jetën 3 persona, i cili u bë publik mëngjesin e sotëm, ka ndodhur 2 ditë më parë. Policia e Shtetit ka deklaruar zyrtarisht se ngjarja ka ndodhur mëngjesin e sotëm por në fakt banorët thonë se makina ndodhej në kanal prej dy ditës. Nga fotot e siguruara nga Boldnews.al duket qartë se automjeti që ka rënë poshtë një ure është i tharë sipër, ndryshe nga sa do të ishte po të kishte ndodhur mëngjesin e sotëm.
Përveç kësaj, skandali më i madh i këtij rasti ka të bëjë me nxjerrjen e makinës nga kanali dhe trupave të viktimave nga makina. Pamjet që janë publikuar nga faqja “Jeta osh qef” tregojnë për gjendjen skandaloze ku është katandisur shërbimi mjekësor në Shqipëri. Mjekë që vijnë vërdallë se nuk e dinë ku e kanë barelën dhe më pas zvarrisin trupin e viktimës se nuk kanë fuqi ta mbajnë.
Një batanije e vjetër i hidhet sipër kufomës dhe tërhiqet si të jetë një thes. As vetë ata që e tërheqin nuk mbajnë doreza.
