4 arsye pse uji me gaz nuk është i dëmshëm

Shpesh herë mendojmë se uji me gaz na bën keq për shëndetin. Duket se një gjë e tillë nuk është e vërtetë për pesë ekspertë të tilët janë të mendimit se uji mineral është mjaft i shëndetshëm për t’u konsumuar. Në një publikim për “Time”, mjekët këshillojnë të kontrollohet etiketa e ujit që blen, për t’u siguruar që nuk përmban kripëra, apo ëmbëltues shtesë.

Uji me gaz është aq hidratues sa uji normal
Disa thonë se uji me gaz nuk është hidratues. Kjo sipas tyre vjen si pasojë e pranisë së dyoksidit të karbonit në ujin e gazuar.
Por në të vërtetë, dyoksidi i karbonit nuk parandalon hidratimin e trupit nëpërmjet ujit me gaz. Madje sipas një studimi, pas një stërvitjeje intensive, uji i gazuar ishte po aq efektiv sa uji natyral në zëvendësimin e lëngjeve.

Uji i gazuar nuk ndikon tek kockat apo tek prishja e smaltit të dhëmbëve
Për sa kohë nuk konsumoni 6 shishe ujë të gazuar në ditë, buzëqeshja juaj është e sigurt. Dhe përsa i përket dëmit në kocka, një studim ka vërtetuar se uji i gazuar nuk ndikon në uljen e densitetit të tyre mineral.

LEXO EDHE  Rama apel shqiptarëve: Vaksinohuni sot dhe mbroni shëndetin

Konsumimi i ujit me gaz ju bën të shtoni në peshë
Është e vërtetë se konsumimi i kaq shumë xhepave të vegjël me ajër mund të shkaktojë fryrje përkohësisht, por në perspektivë afatgjatë, kjo është një gjë e mirë.
Studiuesit kanë zbuluar se uji me gaz shkakton një ndjesi ngopjeje më të madhe se uji natyral, veçanërisht kur jeni me stomak bosh. Dhe sa më të ngopur të ndiheni, aq më pak ushqim do të konsumoni. Thjesht shmangni versionet me ëmbëltues artificialë, që në fakt e nxisin urinë.

Uji me gaz shkakton urth
Studiuesit e kanë hedhur poshtë idenë se konsumimi i ujit të gazuar shkakton refluks.
Por nëse keni shqetësime të lidhura me urthin, atëherë është më mirë të konsumoni ujë natyral, veçanërisht gjatë vakteve. Flluskat mund të përkeqësojnë shqetësimet ekzistuese të refluksit.

 



PËRGJIGJU

Please enter your comment!
Please enter your name here