Finalet e “Euro 2016”, që do të luhen në Francë, nga data 10 qershor deri më 10 korrik, do të jenë “vitrinë” për të gjitha skuadrat pjesëmarrëse, për të gjithë futbollistët, që do ta kenë fatin të jenë pjesë e këtij turneu futbollistik, që do të eklipsojë kontinentin këtë verë. Prestigjiozja spanjolle, “Marca”, ka hartuar top-formacionin e talenteve të rinj, që duhen ndjekur me vëmendje në këtë Europian. Paraqitja e Elseid Hysajt te Napoli ka fituar vëmendjen e disa klubeve me emër
Ajo që bie në sy dhe na intereson si shqiptarë është përfshirja e Elseid Hysajt në këtë top-formacion, konkretisht në repartin e mbrojtjes.
Ana e djathtë e repartit difensiv të formacionit më të mirë të talenteve të rinj të “Euro 2016”, gjithmonë sipas kësaj mediaje të njohur iberike, i takon Elsed Hysajt. Ky vlerësim vjen pas atij të “L’Equipe”, prestigjiozes franceze, e cila e përfshinte Hysajn mes 11 lojtarëve, që duhej të ishin pjesë e Ligës së Kampioneve në fazat me eliminim direkt. De Biazi e aktivizoi Hysajn në kombëtare që kur ishte vetëm 18-vjeç. Champions – Janë të shumta mënyrat për të vlerësuar, apo përzgjedhur lojtarët më në formë të momentit, por gjetja e gjigandes mediatike franceze, “L’Equipe”, është vërtetë e rrallë dhe gjeniale. Në numrin e saj të fundit, e përditshmja sportive franceze ka publikuar formacionin, që i mungon aktualisht kësaj faze të “Champions League”.
Një formacion i përbërë nga futbollistët më në formë të kontinentit europian, të cilët, për shkak të skualifikimit të ekipeve të tyre, apo mospjesëmarrjes, nuk janë aktualisht protagonistë garës më madhore europiane për klubet, por që të gjithë do të preferonin t’i shihnin të luanin të martave dhe mërkurave. Elseid Hysaj është bërë pjesë e formacionit që i mungon Champions League. Ajo që e bën edhe më të veçantë këtë risi të publikuar nga “L’Equipe” është fakti se pjesë e 11-shes së përzgjedhur është edhe mbrojtësi i kombëtares kuqezi, Elseid Hysaj, që aktivizohet me skuadrën e Napolit, në Seria A. Sezoni perfekt, që po zhvillon mbrojtësi 22-vjeçar me ekipin napoletan, nuk ka kaluar pa u vënë re dhe vlerësuar nga mediat e kritikët sportivë më në zë të Europës, sikurse është edhe rasti në fjalë.
DENONCO