Mediat austriake: Shqipëria është një rrezik real për këdo!

Ngjashëm me ekipin kombëtar të Austrisë, përfaqësuesja shqiptare në futboll është në rritje të shpejtë, vitet e fundit.

Kundërshtarët e testit miqësor të së shtunës për “ÖFB” (kombëtarja austriake e futbollit) ishin deri dje të fortë në shtëpi, ku merrnin një ose dy rezultate të mira. Kjo ndryshoi më së voni, me kualifikimin për në “Euro 2016”, që do të mbahet kësaj vere në Francë.

Shqiptarët u renditën të dytët në Grupin I kualifikues, pas Portugalisë, por përpara Danimarkës dhe Serbisë, që konsideroheshin favoritë në letër, duke siguruar pjesëmarrjen për herë të parë në histori, në një turne të madh. Kombëtarja austriake duke u stërvitur për miqësoren me kuqezinjtë Ky përparim i kombëtares shqiptare është manifestuar edhe në renditjen botërore të FIFA-s.

Pozicioni më i lartë i të gjitha kohërave është arritur gushtin e vitit të kaluar, vendi i 22-të, ndërsa aktualisht kombëtarja e “shqiponjave” renditet në vendin e 35-të. Pra, Shqipëria është një rrezik real. Arsyeja është kryesisht me formën e kualifikueseve të fundit. Në ndeshjen e parë të kësaj fushate, shqiptarët fituan në Portugali, 1-0, në shtator të vitit 2014. Triumfi ishte i bujshëm. Në tri eliminatoret e mëpastajme porta e saj mbeti e paprekur, duke përfshirë edhe ndeshjen skandaloze në Beograd. Austriakët ia faturojnë rritjen e kuqezinjve trajnerit De Biasi

LEXO EDHE  Europa Conference League/ Tre shqiptare në turin e tretë, ja kalendari. Të hënën i pret përsëri shorti

Dueli shumë shpërthyes me Serbinë është anuluar për shkak të trazirave, pasi një dron me flamurin e “Shqipërisë së Madhe” fluturoi mbi fushë. Ndeshja përfundoi në CAS (Komisioni i Arbitrazhit Sportiv), 3-0 për Shqipërinë. Kjo rezultoi edhe më e rëndësishme se fitoret në eliminatoret e luajtura, por ndoshta ishte puna e trajnerit të ekipit, Giovanni de Biasi. Italiani, prej marrjes së detyrës në vitin 2011, formoi një ekip të fuqishëm, që bind me një mbrojtje solide. Në mirënjohje për të, Shqipëria i dha “Nderi i Kombit”, çmimi më i lartë në këtë vend.

Me eksperienca të mëparshme si trajner te Modena, Brescia, Torino, Levante dhe Udinese, De Biasi thirri “nën armë” disa futbollistë të rritur jashtë vendit, profesionistë me rrënjë shqiptare, që kanë lindur në Zvicër, kryesisht. Mes tyre, edhe Taulant Xhaka. Ndryshe nga Graniti, vëllai i tij, Taulanti vendosi kundër përzgjedhjes federale. Në Francë, për herë të parë do të luhet një betejë vëllezërish në Kampionatin Europian. Përveç Zvicrës, Shqipëria ka në Grupin A Francën dhe Rumaninë.



PËRGJIGJU

Please enter your comment!
Please enter your name here