Kur ju i dërgoni një e-mail dikujt, ai kalon përmes diçka-je të quajtur Simple Mail Transfer Protocol (SMTP)
(Protokolli i Thjeshtë i Transferimit të Mesazheve), një standard që u zhvillua për herë të parë në vitet 1980 dhe që i mungon aftësia për të koduar plotësisht mesazhet tuaja. Për këtë arsye, një grup inxhinierësh nga kompani të ndryshme—duke përfshirë Microsoft, Google, Comcast dhe LinkedIn—po punojnë mbi një propozim të ri i cili do të përditësojë standardet për të siguruar një kodim të plotë të mesazheve të postës elektronike.
Propozimi, i cili u paraqit së fundmi te Internet Engineering Task Force (IETF) (Task Forca e Inxhinierisë së Internetit), përvijon një mekanizëm të ri të quajtur Simple Mail Transfer Protocol Strict Transport Security (SMTP STS). Qëllimi i tij është të parandalojë sulmet e ndryshme që kanë ndaluar përpjekjet e mëparshme për ta bërë SMPT një protokoll më të sigurt.
Ideja e propozimit të ri është t’i japë Mesasge Transfer Agents (MTAs) (Agjentët e Transferimit të Mesazheve) aftësinë për të kërkuar flamuj të kuq që do të kalojnë mesazhet e dërguara te marrësi nëse ka të dhëna që ata nuk janë të kompromentuar. Në thelb ai punon kështu: kur ju dërgoni një mesazh në një destinacion që mbështet standardet SMTP STS, MTAs automatikisht do të kontrollojnë nëse destinacioni mbështet kodimin dhe nëse ka një certifikatë të vlefshme. Në teori, kjo do të parandalojë që mesazhet të zbulohen nga një server, që ka qëllime të këqija, përgjatë rrugës deri në destinacion.
Ky standard është ende një propozim dhe sigurisht që ka ende shumë punë për tu bërë derisa të lëshohet në mbar botën.
