Aksidentoi mbesën e Idajet Beqirit, identifikohet pas 15 ditësh italiani

Një 25-vjeçare shqiptare humbi jetën në Itali pasi u përplas tragjikisht më 8 mars nga një makinë ndërsa ishte duke ecur buzë rrugës me bashkëshortin e saj, të sapomartuar dhe më një vajzë të vogël fryt të dashurisë së tyre.

Besarta Beqiraj, e cila ishte mbesa e juristit të njohur Idajet Beqiri, u përplas për vdekje nga një autoveturë në sheshin “Evropa” në Crema të Italisë, ndërsa shoferi i papërgjegjshëm nuk ndali t’i por u largua me shpejtësi, ndërsa bashkëshorti i saj Joni nuk u dëmtua, pasi makina ka marrë para vetëm 25-vjeçaren.

LEXO EDHE  Operacioni anti-drogë/ 5 të arrestuar dhe 1 në kërkim, Policia: Shoferi i “Benz-it” s’kishte lidhje me grupin e kokainës

Besarta u transportua menjëherë në spitalin e Bergamos, por nuk mundi t’i rezistojë plagëve të marra nga goditja e fortë e makinës. Sipas hetimeve të kryera deri më tani nga autoritetet italiane, makina që përplasi shqiptaren është një Fiat Grande Punto e prodhuar në vitin 2005.

Policia italiane ka ekzaminuar 2000 automjete deri në momentin ku ka gjetur edhe automjetin që shkaktoi aksidentin.

Autori rrezikon të dënohet nga 1 deri në 3 vjet burg dhe pezullim të patentës nga 18 muaj deri në 5 vjet.



PËRGJIGJU

Please enter your comment!
Please enter your name here