Policia e Vlorës ka liruar tre personat e shoqëruar ditën e hënë për avionin që u shfaq në Akerni të Vlorës.
Burime nga grupi hetimor konfirmojnë se, tre personat, me inicialet N.M, A.M dhe K.M nuk kanë dhënë informacione të vlefshme për hetimin.
Ata janë barinj të zonës dhe stani i tyre ndodhet vetëm 1 km nga vendi ku dyshohet se është ulur avioni dhe mund të jetë ngarkuar me lëndë narkotike.
Ata kanë deklaruar se nuk kanë parë asgjë të dyshimte në zonë.
Policia lokale është njoftuar nga informatorët e saj të cilët kanë thënë se në Akreni po tenton të ulet një avion.
Menjëherë pas kësaj disa patrulla policie kanë mbërritur në vendin e ngjarjes. Janë bllokuar dy automjete të cilat i përkisnin personave të shoqëruar. Por edhe nga kqyrja paraprake e tyre nuk duket se ka mbetje të lëndëve narkotike.
Policia dhe prokuroria për krimet e rënda po bashkëpunojnë ngushtë me palën italiane. Sipas informacioneve të shkëmbyera konfirmohet prania e avionit dhe mbeten dyshimet se ai është ngarkuar me drogë. Autoritetet besojne se lënda narkotike do të hidhej nga ajri në zonën e Pulias, ku do të pritej nga pjesa tjetër e trafikantëve.
DENONCO