Trump: Obama duhej të kthente avionin pas, kur Kastro s’doli ta priste në aeroport (VIDEO)

“Obama nuk duhej të kishte qëndruar në Havana, sa kohë në aeroport nuk ishte për ta pritur presidenti i Kubës Raul Kastro”.

Kështu ka deklaruar kandidati republikan për president në Shtetet e Bashkuara të Amerikës Donald Trump gjatë një darke për mbledhje të fondeve të partisë së tij në Palm Beach

“Nuk ishte askush për ta pritur. Në atë moment Obama duhej të kishte hipur sërish në avion dhe të kthehej. Ai thjesht duhej të kishte thënë Bye Bye”, ka deklaruar Trump.

LEXO EDHE  Covid-19 në Itali, 7,230 të infektuar dhe 27 humbje jete gjatë 24 orëve

Pas kësaj deklarate, kandidati më popullor dhe i mbështetur i republikanëve u duartrokit dhe brohorit me zë të lartë nga të pranishmit.

Megjithatë popullariteti i tij nuk ka ndaluar disa figura të të larta në partinë Republikane të nisin komplotin për të parandaluar kandidimin e tij zyrtar në garën e madhe të Shtëpisë së Bardhë. Trump kritikohet jo vetëm nga jashtë por edhe brenda partisë së tij për politikat e tij të ashpra ndaj emigrantëve dhe myslimanëve.

(Boldnews)



PËRGJIGJU

Please enter your comment!
Please enter your name here