Debate në mbledhjen e grupit parlamentar socialist të zhvilluar si gjithnjë me dyer të mbyllura.
Burime brenda mbledhjes thonë se deputeti Koço Kokëdhima u ka kërkuar llogari deputetëve të tjerë që votuan mandatin e tij për në Kushtetuese, sadoqë në prononcimin jashtë ambienteve të mbledhjes, është përpjekur ta fshehë pakënaqësinë e tij.
Nga ana tjetër, mësohet se deputetja Mimoza Hafizi i ka kërkuar llogari kreut të grupit parlamentar socialist, Gramoz Ruçi, se pse statute i Partisë Socialiste është votuar vetëm në parim dhe jo nen për nen.
Sipas burimeve, Ruçi i është përgjigjur se në të njëjtën mënyrë është vepruar edhe herë të tjera dhe se do të jetë grupi i punës i kryesor nga Xhafa ai që do ta miratojë nen për nen.
Të njëjtin shqetësim ka ngritur edhe Arta Dade gjatë mbledhjes që ka zgjatur vetëm 35 minuta.
Ndërsa pyetja e Blushit se kur do të hapet fushata për referendumin, ka marrë përgjigjen se fushata nis që sot.
