-Kryetari i Bashkisë së Tiranës, Erion Veliaj, së shpejti do të prezantojë projektin e shndërrimit në pedonale të sheshit “Skënderbej”, ndërsa paralelisht do të nisë edhe konsultimet me qytetarët.
Për këtë qëllim do të realizohet një kalendar dëgjesash me qytetarët, ndërkohë që vëmendje e veçantë do t’u kushtohet takimeve me banorët e njësive 9 dhe 10 që preken direkt nga zbatimi i këtij projekti.
Në lidhje me projektin janë dhënë detaje të përgjithshme të projektit të transformimit të sheshit “Skënderbej”, i cili sipas Veliaj, është projektuar të jetë sheshi më i rëndësishëm i të gjithë shqiptarëve dhe simbol i unitetit kombëtar.
Projekti do të përfshijë pemë, gurë, bimësi nga e gjithë Shqipëria Punimet për rindërtimin e sheshit do të fillojnë vetëm pasi të kenë mbaruar punimet e Unazës së Vogël, në mënyrë që të mos pengohet qarkullimi normal i mjeteve në qendër.
